January 16, 2019 00:53
Балкан

„Народни борци” одговорни за експлозијата пред грчката телевизија „Скај”

Малата левичарска група „Народни борци” ја презеде одговорноста за декемврискиот бомбашки напад пред зградата на грчката приватна телевизија „Скај”, во која никој не беше повреден.

„Народни борци” објавија дека нивните цели биле телевизиска и радио станица „Скај” и весникот „Катимерини” и оти тоа го извеле во знак на протест поради поддршката на тие медиумски организации за мерките за штедење за време на осумгодишната финансиска криза во Грција. Групата ги обвини тие медиуми за промоција на „капиталистичка програма” во земјата, како и за помагање за зачувување на „гнилата економија и политички систем”.

Силна експлозија одекна на 17 декември, пред зградата на Скај ТВ, предизвикувајќи штета, но немаше повредени.

Експлозијата предизвика огромна штета на зградата, а вработените беа евакуирани пред експлозијата по анонимна дојава.

Related posts

Вучиќ: Србија е подготвена за компромис со Косово, но потребни се две страни

24news

Трагедија во Лесковац: Татко и ќерка пронајдени мртви во штала

24news

Нова Демократија: Уставната ревизија го прекршува на три начини Договорот од Преспа

Igor