January 24, 2021 04:01
Спорт

Наполи ја прегази Рома, „асистенција“ на Елмас

Наполи го доби дербито против Рома со убедливи 4-0, кое беше во знакот на Диего Марадона. Се оддаваа почасти за починатата клупска легенда и фудбалска икона, па така фудбалерите на Гатузо беа максимално инспирирани да триумфираа на „Диего Армандо Марадона“.

Домаќините настапија во дресови, посебно дизајнирани во стилот на „Гучосите“, а во чест на Марадона, чие име од денеска го носи стадионот во Неапол.

Дебаклот врз Римската волчица го почна капитенот Инсиње со фантастичен погодок од слободен удар во 30-тата минута, додека останатите голови се случија по еден час игра.

Руис со шут од далечина го совлада Миранте, а по влегувањето во игра во 78-та минута, Елиф Елмас максимално ги искористи минутите. Веќе во првата акција во која се најде, Елмас шутираше од околу 20 метри, а одбиената топка ја стигна Мертенс за зголемување на 3-0, додека во 87-та минута Политано го постави конечниот резултат.

Наполи на тој начин закрепна по поразот од Милан и го запиша шестиот триумф во Серија А, по кој застана на петтото место со 17 бода, израмнувајќи се со Рома.

Bleach (https://funimationfree.com/m/PD5) Episode 366 at website https://funimationfree.com. See more funimation digital copy

Watch Kimetsu no Yaiba Movie: Mugen Ressha-hen Episode Preview (https://animeflix.nl/m/0ew6/ep-1) at ANIMEFLIX animeflix given movie