April 21, 2019 08:45
Хроника

Над 300 возачи возеле брзо на патиштата на истокот

Полициските контроли низ источна Македонија во изминатите 10 дена покажале дека возачите и понатаму своите возила ги управуваат со брзина поголема од дозволената. Портпаролот на СВР-Штип, Гордана Панајотова денеска информираше дека санкционирани се вкупно 325 возачи.

-Од извршената контрола 178 возачи управувале со брзина над дозволената во населените места, додека 147 надвор од населено место. Санкционирани се вкупно 325 возачи. Санкционирани се и 98 за останати прекршоци, вели Панајотова.

Инаку брзото возење е една од причините за тешките сообраќајни несреќи во овој регион, каде жртви се возачите и сопатниците, но и пешаците. Панојотова апелира учесниците во сообраќајот да возат согласно сообраќајната сигнализација на патините правци, а во наредниот период продолжуваат и со други акциски контроли.

Нови вести

Имам од Македонија протеран од Италија поради тероризам

Igor

Штитеничка по десети пат побегнала од домот ,,25 Мај”

Igor

Скопјанец нападнат кај Стенковец, малолетник претепан во Визбгово

Igor