February 23, 2019 08:33
Македонија

Мицкоски: ВМРО-ДПМНЕ останува против уставните измени

ВМРО-ДПМНЕ останува против уставните измени и ќе ја следи волјата на граѓаните, рекол претседателот на ВМРО-ДПМНЕ, Христијан Мицкоски, на средба со претседателот на комисијата за надворешна политика на Европскиот парламент и потпретседател на Европската народна Партија, Дejвид Мекалистер.

Како што соопштија од партијата, тие разговарале и за актуелната политичка состојба, процесите врзани со стратешките цели на Република Македонија членството во Европската Унија и НАТО.

„Мицкоски објасни дека Република Македонија се соочува со деликатна политичка состојба и со еден период на црно владеење каде доминираат неправдите и политичкиот прогон. Воедно посочи дека се случуваат скандали на дневно ниво каде до израз доаѓа неподготвеноста на владата за реформи и менаџирање на политичките процеси. Мицкоски истакна дека таквата непосветеност на власта, државата ја турка кон економското и политичко фијаско, слабеејќи го стандардот на граѓаните. Тој на средбата истакна дека врвен интерес за ВМРО-ДПМНЕ е напредокот на европските интеграции но и дека владата има недоволен учинок на тој план што е резултат на нејзината неспособност. Во таа насока ВМРО-ДПМНЕ е подготвена квалитативно да ги помогне реформските процеси кои би гарантирале напредок но пред се тоа зависи од волјата и способноста на владата да биде носител на тие процеси“, соопштија од партијата.

Related posts

Почнува кампањата против говор на омраза и подигнување на свеста кај младите за безбедност во сообраќајот

24news

Запален автомобилот на архитектот Златко Тодоров, соседите забележале луѓе со фантомки

24info

Обезбедувањето на Вељаноски обезбедува вода за насилниците со фантомки

24news