April 21, 2019 08:50
Македонија

Министерството за финансии на Северна Македонија испраќа меморандуми со новото име

Додека јавноста чека на празната фасада на зградата на Владата, од каде ноќеска беше тргнато името Република Македонија, да биде поставено новото име, дел од институциите веќе се преименуваа, дознава 24 Инфо.

Па така Министерството за финансии за коресподенција користи меморндум со името Северна Македонија, иако, според Владата, се чека во Службен весник да биде објавен датумот на влегување во сила на уставните амандмани и уставниот закон.

Од Атина денеска се очекува Вербалната нота со која ќе го информира Скопје дека се ратификувани Договорот од Преспа и Протоколот за членство во НАТО, и исполнети сите правни услови за влегување во сила на конечната спогодба и уставните амандмани, со што почнува примената на новото име Република Северна Македонија.

Од Владата рекоа дека формира Интерресорска група која ќе треба да изработи Национален акциски план за спроведување на натамошните мерки и активности, а во рок до седум дена државните институции, граничните премини и диоломатско-конзуларните претставништва ќе треба да ги сменат таблите со новото име на државата – Република Северна Македонија.

 

Употребата на новото име на државата ќе биде усогласено и со Законот за употреба на јазиците што значи дека таблите ќе бидат напишани и на албански јазик бидејќи, како што изјави неодамна владиниот портпарол Миле Бошњаковски, Албанците се 20 проценти на државно ниво.

 

Нови вести

Набиена агенда на Франциск во Скопје, 7-ми мај неработен ден

Igor

Најголема излезност во странство во Берлин, гласале и седум од 12 во куќен притвор

Igor

Бебе и шеснаесетгодишник со морбили се борат за живот

Igor