March 24, 2019 23:00
Култура

Министерот Адеми присуствуваше на Новогодишниот концерт на Виенската државна опера

Министерот за култура Асаф Адеми присуствуваше на Новогодишниот концерт на Виенската државна опера, кој годинава се одржа во чест на одбележувањето на 150-годишнината од основањето на оваа еминентна оперска куќа.

Од Министерството за култура соопштија дека Адеми, заедно со претставници на Министерството овој ексклузивен настан го проследил на лична покана од директорот на Виенската државна опера, Доминик Мејер, со кого остварил и работна средба.

На средбата со директорот на една од најзначајните оперски куќи во светот, министерот за култура Адеми разговарал за можностите за соработка меѓу оваа реномирана културна институција и националните установи од Република Македонија.

Во рамките на престојот во Виена, министерот за култура Адеми се сретнал и со светски познатиот виолинист Шкелзен Доли, кој е член на Виенската филхармонија.

Нови вести

Испратени светската и националната порака по повод Светскиот ден на театарот

Filip

Одбрани најдобрите афористичари на конкурсот „Политикоманија”

Filip

Тим-прес од Загреб објави четири романи на Луан Старова

Valentina