March 4, 2021 23:10
Балкан

Мика Алексиќ ме силуваше седум месеци, скоро секој вторник

Студентка по глума (20), една од девојките кои го пријавија Мика Алексиќ за силување, се согласи да зборува анонимно за тоа низ што поминала во текот на седум мееци.

Тој е многу препаметен човек кој подготви совршено злосторство. Започна две недели по мојот 18-ти роденден. Како да чекаше да стасам во полнолетство, иако другите девојчиња беа помлади кога ги нападна. Кога се започна, повраќав, изгубив 11 килограми. Јас се исушив. Јас не повраќав само после часовите, тоа се случуваше и преку денот. Секој оброк го повраќав, изјавува оваа девојка.

Таа вели дека нејзините пријатели забележале дека таа се повлекува во себе, не излегувала повеќе, не се дружела.

-Кога првпат ме однесе во канцеларија, две недели откако станав полнолетна, се сеќавам дека цел час зборуваше за самодовербата на жените и фаталните жени. Тој зборуваше за тоа како не постои самодовербата на жената, како ветерот може да ја одведе, да пукнеш со прстите и жената паѓа. Цело време ме гледаше во очи. Имав нула самодоверба во тоа време поради него, но не бев ни свесна во тоа време. Го гледав со воодушевување! Мислев како тој знае сè и како тој гледа сè! Тој исто така го процени тоа и ме однесе во канцеларијата, каде ми рече дека ќе работиме на мојата самодоверба и дека тој ќе ми помогне. Тој е многу интелигентна личност, многу паметен човек кој подготвил совршено злосторство. Кога ќе се случеше тоа, ќе се истуширав 10 пати. Без претерување, 10 пати. Знаев дека не е нормално да ме допира некој на возраст од 66-67 години, јас бев згрозена, но и понатаму не се сомневав дека има какви било намери што не беа педагошки и за мое добро. Тоа е тој болен страв дека ти него не смееш да го разочараш, ниту малку! Се враќав на тие часови, бидејќи се плашев дека тој ќе помисли дека не сум дошла поради тоа, изјавува студентката.

Вели дека сè уште го чуствува мирисот на Алексиќ и дека и се причинува дека го гледа на улица, иако не го видела скоро две години.

Силувањето, тврди таа, се повторувало скоро секој вторник седум месеци.

-Понекогаш ќе пропушташе еден или два вторници и мислев дека ќе престане, дека сè ќе биде како што треба повторно. И тогаш повторно ќе ме повикаше во канцеларијата, вели девојката.

Силувањата престанале кога го завршила актерското училиште, пред последниот час по глума, договорот бил нејзините пријателки да се појават пред крајот на часот и да го спречат да ја однесе во канцеларија.

-Така беше. Тоа беше мојата последна средба со Мика. Истрчав по скалите, пред училиштето, до Кнез Михаилова и повторно повраќав. Тоа беше олеснување помешано со страв, бидејќи се плашев дека може да продолжи, дека ќе успее да ме земе дури и кога веќе не бев во студиото, вели студентката по глума.

The Quintessential Quintuplets 2 (https://animeheaven.pro/m/xpEv) Episode 3 at AnimeHeaven animehaven

Dragon Ball Z (Dub) (https://animefreak.ws/m/M88) Episode 291 at AnimeFreak animefreaks anime