April 6, 2020 22:47
Економија Македонија

МЗШВ: Јавните огласи за распределба на земјоделско земјиште се спроведуваат согласно законот

тирите јавни повици и двата огласа се распишани по барање на земјоделците и согласно нивните потреби и ќе се спроведат според сите законски одредби, наведува Министерството за земјоделство, шумарство и водостопанство во реакцијата на денешните обвинувања од дополнителниот заменик-министер Цветан Трипуновски.

– Доделувањето земјиште од  четирите јавни повици ќе се реализира согласно законот, по завршување на распишаните предвремени парламентарни избори. Додека, двата јавни повика во транспарентна и законита постапка се завршени и за нив се веќе склучени договори. За првпат државното земјоделско земјиште се доделува транспарентно и законски, велат од ресорното Министерство.

Оттаму додаваат дека законската одредба што ја цитира Трипуновски е прекршувана во периодот од 2008 до 2017 година кога на власт била ВМРО-ДПМНЕ за што се водат соодветни постапки.

–  Намерите на дополнителниот заменик министер Трипуновски, да не се реализира распределбата на државното земјоделско земјиште според потребите на земјоделците, нема да се оствари.  Напротив, доделувањето на земјиштето ќе се спроведува во законита постапка веднаш после завршувањето на распишаните предвремени парламентарни избори, наведуваат од МЗШВ.

Во изминитатите две и пол години склучени се 726 договори за закуп на државно земјоделско земјиште за вкупна површина од над 4.700 хектари.