December 9, 2022 13:56
Спорт

МЗТ Скопје преку ТФТ до петта титула од Суперкупот

МЗТ Скопје Аеродром ги издржа сите обиди на ТФТ Скопје за враќање во последната четвртина, за по петти пат да го освои трофејот од Суперкупот на Македонија, „Драган Василов-Цевка“, триумфирајќи со 100:82.

Во фуриозниот старт на мечот, тимот на Александар Петровиќ направи предост од 29:14, за потоа ТФТ Скопје да се обиде да фати приклучок во мечот. Во последната четвртина се влезе со 73:63 предност за „металците“, и иако клубот од Тафталиџе успеа да се доближи на само пет поени (76:71) до фаворитите, на крајот не МЗТ го крена нивото и не дозволи ТФТ Скопје да направи нова сензација како триумфот во Купот на Македонија минатата сезона.

Претходно, кошаркарките на Баскет Кам ја освоија титуата во женска конкуренција, откако во интересен и неизвесен меч во СРЦ „Кале“ стигнаа до 69:61 победа над лутите ривалки, Бадел 1862.