January 16, 2020 16:40
Балкан

Мета се сретнал со Харадинај во Приштина

Албанскиот претседател Илир Мета вчера доцна попладне престојувал во Приштина каде се сретнал со поранешниот косовскиот премиер Рамуш Харадинај.

Претседателот Мета на Фејсбук изјави дека е среќен што се сретнал со Харадинај во Приштина.

– Среќен сум што се сретнав со премиерот Рамуш Харадинај во Приштина. Горд со неговиот инспиративен карактер, напиша Мета.

Веста за средбата на Фејсбук ја објави и Харадинај, објавувајќи и фотографии од средбата.

– Посебно задоволство да го сретнам во Приштина, претседателот на Албанија, Илир Мета, заедно со ќерката Бора. Добар повод за размена на мислења за политичката реалност во Косово, Албанија и во регионот. Во процесите низ кои минува Косово, заедничкиот ангажман во пресрет на предизвиците го засилува албанскиот фактор, напиша Харадинај.

По оставката на Харадинај на 19 јули преку статус на Фејсбук Мета искажува убеденост во невиноста на Харадинај и нагласи дека „не постои притисок кој може да го скрши државникот и национален херој”.

– Горд на Рамуш Харадинај и убеден во неговата невиност. Не постои притисок кој може да го скрши државникот и народен херој. Од денес сите треба да спиеме помалку, да се загрижиме повеќе и посилно да се обединиме Косово и нашиот регион да не бидат под закана на мирот, безбедноста и европската иднина, напиша Мета.

Инаку поради политичката активност сопругата на Мета, Моника Круемади, која е лидерка на партијата Социјалистичко движење за интеграција, „прва дама на Албанија” е нивната ќерка Бора.

Нови вести

Митаракис: Наша цел е да се ограничат бегалските и мигрантските бранови од Турција кон Грција

Igor

Албанската опозиција порача дека нема соработка со Владата и оти изборите се единствениот лек

Igor

СИРИЗА ќе гласа за Сакеларопулу за претседател на Грција

Igor