August 13, 2022 19:59
Балкан

Мета го поздрави предлогот на Бугарија да и се дадат преговори само на Албанија

Албанскиот претседател Илир Мета го поздрави предлогот на Бугарија да се раздвои патот на Албанија и Северна Македонија за пристап во ЕУ, што ќе и овозможи на Албанија да напредува.

Патот на Албанија кон ЕУ е поврзан со оној на Северна Македонија. Ова значеше дека ветото на Бугарија поврзано со  човековите права, историските  и јазичните прашања резултираше со тоа што Албанија не успеа да напредува кон формалниот почеток на преговорите, и покрај тоа што доби зелено светло од сите 27 земји-членки.

Минатата недела, бугарскиот евроамбасадор Румен Александров рече дека неговата земја нема да го укине ветото за Северна Македонија, но дека Албанија треба да се раздели и да се процени независно.Дополнително, тој рече дека Бугарија дала неколку предлози за тоа како Северна Македонија може да ја ублажи ситуацијата, вклучително и спроведување на Договорот за пријателство меѓу двете.

На предлогот на Бугарија реагираше Мета и рече: „Го поздравувам ставот на Бугарија која предлага што поскоро почеток на преговорите за членство на Албанија во Европската унија“.Тој додаде дека е убеден дека Северна Македонија постигнала „огромен напредок во спроведувањето на реформите и постигнувањето историски договори како оној во Преспа“.

„Го поздравувам достоинствениот однос на македонските власти да продолжат непоколебливи во проевропскиот курс на реформи кои им служат на граѓаните и на аспирацијата за членство во ЕУ“, заклучи тој.