October 1, 2020 19:55
Македонија

Макрадули од трибината во Тетово: 45 јавни објекти во 2019 добија еколошко затоплување, свесноста за заштита на животната средина е поголема

Во областа на заштитата на животната средина и борбата против загадувањето има видливи поместувања, свесноста е поголема, но потребно е вложување во начинот на греење и подобрување на енергетската ефикасност, истакна членот на ЦО на СДСМ и заменик министер за животна средина и просторно планирање Јани Макрадули вечерва во Тетово на трибината Агенда Воздух 20-24.

Во 2019 година е извршена замена на начинот на затоплување во 45 јавни објекти, а во 23 е интервенирано во подобрување на енергетската ефикасност. Секако дека може подобро и побрзо да одат работите, затоа повикуваме и до граѓанските организации заеднички да направиме мапирање на вакви објекти кои се греат нееколошки. Тоа е патот по кој треба да продолжиме, истакна Макрадули.

Истовремено, координиранираните акции на инспекторатите дадоа резултати, тони бакарни кабли се фатени во Скопје и не се запалени, а сторителите добија прекршочни пријави и тоа е значаен придонес во борбата против загадувањето, заклучи Макрадули на трибината Агенда Воздух 20-24.