June 17, 2019 07:06
Спорт

Македонија со историски пласман на Европското одбојкарско првенство

Македонската репрезентација во одбојка вечерва напиша историја, откако за прв пат обезбеди учество на Европско првенство.

„Жолто-црвените” вечерва со 3-0 (25:21, 25:20, 25:21) ја победија Унгарија и како една од петте најдобри второпласирани селекции во групата, се пласираа на континенталниот собир кој ќе се игра од 12-29 септември оваа година во 4 земји – Белгија, Франција, Холандија и Словенија.

Нашите одбојкари, поттикнати од другите денешни резултати кои ни одеа во прилог, беа исклучително мотивирани и без проблеми ја совладаа селекцијата на Унгарија во СРЦ „Кале”.

Најдобар кај нашиот тим беше Ѓорѓиев со 17 поени, Љафтов заврши со 14 поени, додека Манџуков помогна со пет.

Нови вести

Гарсија го освои турнирот во Нотингем

Filip

Дресот на бејзбол легендата Бејб Рут продаден за 5,6 милиони долари

Filip

Вест Хем со понуда до Макси Гомез

Filip