December 6, 2022 21:03
Спорт

Либерасион: Првиот човек на ПСЖ обвинет за изнуда и киднапирање

Претседателот на ПСЖ, Насер Ал-Келаифи, наводно е обвинет за киднапирање и изнуда, пишува парискиот весник „Либерасион“.

Во најновото истражување на овој медиум од главниот град на Франција, во врска со Насер Ал-Келаифи, се дознава дека тој бил еден од учесниците во изнудата и затворањето на француско-алжирскиот бизнисмен Таиб Б.

Дотичниот Тајб Б. бил уапсен и затворен на 1. ноември 2020 година во Катар под сомнение дека има доверливи информации за имињата на лицата вклучени во нелегалните избори, на кои Катар ја доби организацијата на Светското првенство. На списокот се наоѓало и името на Насер Ал Келаифи.

Откако им ги предал тие документи на адвокатите на Ал-Келаифи, под силен психолошки притисок, бизнисменот бил ослободен. Според француските медиуми, апсењето било мотивирано од катарскиот емир.

Се напоменува дека овој бизнисмен е француско-алжирски државјанин кој во тоа време живеел во Катар со своите деца и сопругата.