November 19, 2019 12:24
Спорт

Леклер: Среќен сум што имам клупски колега како Фетел

Пилотот на Формула 1 тимот Ферари, Шарл Леклер демонстрираше затоплување на односите со својот поискусен клупски колега Себастијан Фетел.

Младиот пилот од Монако смета дека е привилегиран што за партнер во тимот го има четирикратниот светски првак. Леклер стана пилот на Ферари на местото на Кими Раиконен и веднаш се наметна кај навивачите. Тој има една победа и девет бода повеќе од Германецот Фетел во генералниот пласман, но не се чувствува главен.

– Себастијан четири пати бил светски првак, јас ниту еднаш. Многу учам од него, собирам искуство, го слушам што бара од инженерите. Не решавам јас кој е број 1, а кој број 2 во тимот. Среќен сум што го имам Себастијан до мене, вели Леклер.

Нови вести

Лев именуваше шест европски селекции подобри од Германија

Igor

Кулушевски дебитираше за сениорскиот состав на Шведска

Igor

Дабл-дабл на Адетокунбо за десетти триумф на Милвоки

Igor