December 11, 2019 06:35
Македонија

Ласковска: Шест полициски службенички цела година биле вознемирувани, а властите не преземале ништо да ги заштитат жртвите

Власта на Зоран Заев е нефункционална и не може да ги заштити ниту жените вработени во МВР и армијата, а не пак останатите. Неспособноста и лицемерието на власта на Заев најдобро се гледаат кога ќе се слушнат нивните изјави поврзани со борбата против насилство врз жената. Како и за се останато, Заев ветува, се колне, а не презема ништо. Се е една голема лага и измама.

Шест полициски службенички цела година биле вознемирувани, психички и сексуално малтретирани од страна на надредено лице, а властите не преземале ништо да ги заштитат жртвите.

Сексуално вознемирување и мобинг врз жена на прагот на третата декада на 21 век е недозволиво и треба да подлежи под најстроги санкции.

Нефункционалноста на власта си ги зема своите жртви. Функционерите во МВР наместо да работат вршат сексуално насилство врз своите колешки.

Зоран Заев и врвот на власта носат директна  вина за оваа случка, во која страдале нечии ќерки, сопруги и мајки. Зоран Заев и луѓето околу него го поставиле и именувале лицето кое ја злоупотребило својата положба и сексуално малтретирало подредени.

Заканувачот се заканувал со зборовите:

– Оди си сега, гледам си уплашена ама знам дека и ти сакаш и пази за ова што ти го нудам да не си кажала на никој зошто не можеш да замислиш што ќе ти направам и кој сум јас. – Ова се зборови на личност која се чувствува заштитена од власта.

Зоран Заев и врвот на власта треба да одговори, дали заканувачот е близок до еден градоначалник на една скопска општина и дали ја ужива заштитата на министерот?

Доколку да. Дали неговата блискост му овозможила да малтретира свои колешки!?

ВМРО-ДПМНЕ бара во најкраток можен рок сторителот да биде изведен пред лицето на правдата и да се соочи со соодветна казна.

Злоупотребите на позициите мора да запрат. Со доаѓањето на власт на ВМРО-ДПМНЕ ќе има одговорност за сите злоупотреби, сето насилство и мобинг.

Истовремено даваме силна поддршка на жените жртви на овој брутален чин да истраат во борбата против сторителот и ги повикуваме надлежните институции во најкраток можен рок да преземат мерки против сторителите. Насилство врз жените е недозволив акт во 21 век.

Нови вести

Заев и Филипче: „Роса школите за родителство“се долгорочен проект за поддршка на квалитетно родителство

Filip

Поделени картички за зелена нафта во неколку каменички села

Filip

ДУИ не знаела дека СДСМ цел закон за употреба на јазиците ќе го испрати на Венецијанската комисија

Filip