January 30, 2023 02:31
Магазин

Лара, Јован и Ирина ја имаа првата проба на Детската Евровизија 2022 во Ерменија

Нашите претставници на детската Евровизија денеска ја имаа својата прва проба на сцената.

Годинава наши претставници на детската Евровизија се Лара Трпческа, заедно со Јован и Ирина, а од фотографиите објавени од првата проба на сцената во Јереван можеме да видиме како ќе изгледат нивните костими и какво ќе биде уредувањето на сцената.

Македонија во изминатите две години, успеваше да се пласира меѓу првите 10 песни во натпреварувањето, а на 11-ти декември нашите претставници ќе настапат 10-ти по ред на сцената во главниот град на Ерменија.

Минатиот месец беше објавен официјалниот спот за песната „Животот пред мене“ во режија на Огнен Шапковски, а на YouTube се споделува и видео со фотографии од првата проба на Лара, Јован и Ирина.

Инаку Лара Трпческа е ќерка на нашиот пијанист Симон Трпчески, талентот на Ирина Давидовска пак, имаме можност да го слушнеме во каверот на „Еве Ме Пак“ од Александра Јанева, а Јован го освои второто место на hip-hop world cup во 2018-та година.

Лара, Јован и Ирина велат дека со нетрпение чекаат на 11 декември да застанат на големата евровизиска сцена и да ја претстават Македонија во најдобро светло. Автор на музиката е Симон Трпчевски, текстот на Јован Трпчески и Лара Трпческа, а продуцент Дарко Димитров.