January 17, 2019 12:39
СП ракомет 2019

Лазаров: Недостатокот во квалитет можеме да го надоместиме со патриотизам

Капитенот на ракометната репрезентација од Македонија, Кире Лазаров беше најпрецизен за „жолто-црвените” денеска при победата над Јапонија со 38-29, а веднаш по мечот го потврди мислењето на своите колеги дека победата била остварена потешко отколку што тоа реално изгледало на теренот. Тој сепак изрази задоволство од победата, но не и од играта. Смета дека има работи кои мора да се поправат, сепак се радува што почнавме со победа за поголема самодоверба во продолжение.

– Се подготвувавме многу за овој натпревар и тоа вроди со плод. Не ми се допаднаа некои работи зошто кога имавме водство, гледавме во семафорот и дозволувавме нерезонски шутеви. Сепак ова е голема победа за голема самодоверба, пред сѐ за младите, изјави Лазаров.

Во однос на следниот меч со Бахреин, тој смета дека нема да биде лесен натпревар.

– Мислам дека нема да е лесно со Бахреин. Тие се цврста репрезентација, играа финале против Катар на Азискиот куп, имаат добра екипа. Тие се поцврста екипа од Јапонците. Сега да се одмориме, мислам дека и вие сте свесни дека имаме недостаток во квалитет, тоа можеме да го надоместиме само со патриотизам и со национален набој. Само со таква поставеност можеме да им парираме на Бахреин и на другите репрезентации, додаде капитенот.

Related posts

СП ракомет: Познат составот на Македонија за дуелот со Јапонија

24info

Андоновски: Да беше Раул Македонец ќе го сменевте на полувреме

24info

Борко лут на младите: Треба да стават прст на чело и добро да размислат

24info