June 27, 2019 10:43
Свет

Лажните вести на агендата на првиот министерски состанок под романското претседателство

 Романија денеска првпат во својата историја претседава со министерски состанок на ЕУ, на чија агендата се дезинформациите и повеќегодишната европска финансиска рамка.

Како што јави дописничката на МИА од Брисел, министрите за европски прашања на земјите членки на ЕУ денеска треба да имаат размена на мислења на тема дезинформациите и како да се координираат напорите на европско ниво пред овој проблем, посебно во пресрет на претстојните избори за Европскиот парламент.

Се очекува денеска министрите да разговараат за неколку клучни точки од оваа област. Приоритет се европските мајски избори и како да се гарантира на најдобар можен начин внатрешната и надворешната борба против лажните вести и дезинформациите. Министрите ќе ги разгледуваат можностите за зголемување на напорите за сензибилизација на јавноста за овој феномен.

Земјите членки сакаат да ја зголемат отпорноста и свесноста на општествата за дезинформациите, кои се очекува да се зголемуваат пред европските избори. Лажните вести ќе бидат повторно на агенда на 21 јануари, на Советот за надворешни работи.

Пред почетокот на состанокот, романскиот министер за европски прашања, Георге Сиамба, изјави дека „борбата против дезинформациите е тематско прашање за Романија, бидејќи ќе биде претседателството кое треба да ја заштити и одбрани Европа од странско мешање во пресрет на европските избори”.

Советот за општи работи ќе разговара и за повеќегодишната финансиска рамка на ЕУ, која предизвикува поделби меѓу земјите членки. Не се очекува разговор за суштината на досието на денешниот состанок, туку само организациски пристап. Темата треба да биде заклучена под финско претседателство наесен 2019.

Нови вести

Европа се бори со топлотниот бран

zane

Трамп и Ким за година и пол размениле 12 писма

zane

Холандската железница им нуди отштета на жртвите на холокаустот

zane