December 5, 2022 08:24
Спорт

КФСМ и клубовите го утврдија системот, календарот и распоредот за натпреварување во сезоната 2022/2023 година

По состанокот помеѓу претставниците на Здружението на клубови од Првата лига-мажи, комесарот за натпреварување и раководството на КФСМ, утврдени се системот, календарот и распоредот за натпреварување во натпреварувачка сезона 2022/2023 година, чиј почеток е закажан за 8 октомври. Системот за натпреварување во Првата лига-мажи, претрпи измени поради се уште актуелната пандемија со „Ковид-19″, се поизвесната енергетска криза и намалување на трошоците на екипите.

Нема да се игра Суперлига, што значи 10 кола помалку, ќе се игра само викенди, а не и низ недела. По предвидените 22 кола, осумте најдобропласирани екипи одат директно во плејофот, а останатите четири во плејаут.

Освен тоа, усвоени се уште неколку битни измени:

-Преодниот рок за сезоната 2022/2023 завршува заклучно со 01.03.2023 година.

-За нов претседател на здружението на клубовите од Првата лига-мажи избран е претставникот на КК „Гостивар 2015″, Стојмир Дејаноски.

-Екипите се задолжуваат да ги подмират своите финансиски обврски по основ на долгувања, како и првата рата од котизацијата за натпреварување за сезона 2022/2023, пред почетокот на првенството.

-Согласно членот 27 од Пропозициите за натпреварување во сениорските лиги, и во оваа натпреварувачка сезона екипите може да играат со кожни топки кои се одобрени и го имаат знакот на ФИБА, големина 7, (Вилсон, Спалдинг, Молтен…).

-Согласно членот 16.6, поточно 16.6.1, екипите се должни да достават информација за лицето кој е одбран за Комесар за безбедност од страна на клубот, име и презиме, број на мобилен телефон и електронска пошта.

Дополнително е официјализиран и Прирачникот „Стоп за насилство и недостојно однесување на кошаркарските натпревари”.

ЛИНК: Систем и календар за натпреварување за Прва лига мажи за сезоната 2022/2023