August 22, 2019 00:52
Балкан

КФОР: Ситуацијата е под контрола, да се избегнуваат провокации

Меѓународната воена мисија во Косово – КФОР вели дека ситуацијата во целата земја е под контрола и повикува на воздржаност од изјави и дејствија кои би можеле да доведат до ескалација, јави дописникот на МИА од Приштина.

Во изјавата доставена на програмата на српски јазик на Косовската радиотелевизија (РТК), КФОР напоменува дека постојано ја следи ситуацијата на теренот во цело Косово и е целосно посветено на својот мандат за гарантирање на безбедноста на сите граѓани.

КФОР тврди дека неговите сили се подготвени за брзо распоредување во во сите делови на Косово и нагласува дека нема потреба од нивно зголемено присуство на некое одредено место.

Меѓународните сили напоменуваат дека не се занимаваат со политика и со политичките шпекулации „кои понекогаш ги навестуваат тензиите на политичко ниво”.

– Последните денови имаше закани или дејствија, кои влијаеја на безбедноста во Косово. КФОР ги повикува сите да се однесуваат одговорно, да ги избегнуваат провокациите и да се воздржуваат од секакви изјави или дејствија кои можат да водат кон ескалација, се вели во изјавата. 

Нови вести

Закани за бомби испратени до редакции и аеродроми во Бугарија

Filip

Протести во Турција по смена на тројца градоначалници, 30 приведени

Filip

Грција нема да го прими иранскиот танкер

Igor