December 3, 2020 14:36
Спорт

Куртоа: Наскоро ќе ја видиме најдобрата верзија на Азар

Голманот на шпанскиот фудбалски првак Реал Мадрид, белгискиот интеранционалец Тибо Куртоа изјави дека не се сомнева во квалитетите на неговиот сонародник и клупски соиграч Еден Азар.

– Не се сомневам дека наскоро ќе ја видиме најдобрата верзија на Еден Азар. Тој многу се труди и сака да се докаже. Се надевам дека наскоро ќе може да покаже сè што умее. Непосредно пред повредата, Еден имаше неколку добри натпревари, но лошата среќа го запре. Сепак, видов колку одлично работи на тренинг овој месец. Сигурен сум дека наскоро ќе се крене во воздух и ќе остави кај сите многу пријатни впечатоци, изјави Куртоа.

Азар нема одиграно ниту еден натпревар во сезоната 2020/21. Фудбалерот продолжува да се рехабилитира по повреда на мускул на десната нога.