February 18, 2020 23:19
Скопје

Кражба и оштетување на урбана опрема во дворот на ООУ Живко Брајковски во Општина Бутел

Денеска 14.02.2020, учениците од основното училиште Живко Брајковски останаа посиромашни за една инклузивна справа од новоизграденото детско инклузивно игралиште во дворот на училиштето.
Справата е насилно извадена и однесена од страна на непознати сторители. Вредноста на штетата изнесува преку 60.000,00 денари. Во тек е истражна постапка од надлежните органи за пронаоѓање на сторителите.
Во текот на една недела во дворот на истото училиште се случи и  обид за кражба на новопосадените зимзелени дрвја од хортикултурното уредување на дворот.
Истата заврши неуспешно благодарение на вработените во училиштето.
Ваквите случаи на оштетување и уништување на инфраструктурните проекти наменети за најмладите граѓани, Општина Бутел најостро ги осудува и иствремено апелира за подигање на јавната свест со цел зачувување на опшествениот имот.