October 17, 2019 08:54
Скопје

Кисела Вода во соработка со Волонтерски центар – Скопје хортикултурно ги уредува дворовите на училиштата

Општина Кисела Вода во соработка со Волонтерски центар – Скопје и СУГС „Браќа Миладиновци” спроведува активности за хортикултурно уредување на дел од дворовите на училиштата и градинките.

Учениците од ветеринарната струка од средното училиште, дел од вработените од Општината и волонтерите од Волонтерскиот центар, акцијата за разубавување на дворовите денеска ја стартуваа од општинското основно училиште „Невена Георгиева-Дуња”. Тие во насока на зачувување на животната средина од стари автомобилски гуми создаваат саксии за нови садници и фигури за игра, кои ќе им помогнат на децата во психомоторниот развој.

Во периодот што следува гумите офарбани во различни бои ќе направат попријатен амбиент во ООУ „Кузман Јосифовски Питу” и во објектите на ЈДГ „Весели Цветови”, „Синоличка” и „Мимоза”.

Покрај ова, со активностите ќе биде опфатено и расчистување на сувите лисја од дворовите.

На предлог на локалната самоуправа во акцијата вклучени се и дечињата со аутизам.

Нови вести

Пункт за донации како дел од проектот „Да ја искорениме менструалната сиромаштија!”

Igor

Изградбата на новиот паркинг во Ново Лисиче во завршна фаза

Valentina

Општина Бутел преку работилници за меѓуетнички соживот

Valentina