August 14, 2022 07:52
Магазин

Ким Кардашијан и Пит Дејвидсон се фотографираа со турист за време на појадок во хотел

Утринско застанување за топол напиток во Лос Анџелес се покажа како случајна средба со Ким Кардашијан Вест и Пит Дејвидсон за еден среќен турист.

Холандскиот музички новинар Пол Баревијк, кој бил на кус одмор во Лос Анџелес викендот по Денот на благодарноста, разгледувал вили и луксузни продавници на Беверли Хилс кога случајно налетал на парот и ја искористил шансата да направи неколку фотографии со нив.

Баревијк раскажува за „Пипл“дека налетал на парот во хотелот „Беверли Хилс“ во саботата наутро. Тој пиел утрински чај и разговарал на телефон со мајка му во барот на хотелот. Прво го забележал Дејвидсон, комичарот на Saturday Night Live (28).

„Разговарав со мајка ми на мојот мобилен и сфатив дека Пит седи десно од мене. Потоа се запрашав: со кого зборува? Затоа што, запознаен сум со најновите гласини, тогаш ја видов и Ким“, рече Пол.

„Изгледаа среќни и седеа еден до друг. Решив да го скршам мразот, ѝ покажав неколку селфиња што ги направив пред нејзината продавница „Скимс“ и потоа тројцата се фотографиравме заедно, а првата беше со неа,“ вели Холанѓанецот.

Фотографиите ги објави на својот Инстаграм-профил и доби спомени од патувањето кое сигурно долго ќе го памети.