February 23, 2019 08:37
Магазин

Кевин Харт нема да ги води 91-вите Оскари

Американскиот комичар и актер Кевин Харт (39) во петокот рече дека нема да ги води 91-вите Оскари по протестот за неговите стари хомофобични твитови.

„Решив да не ги водам годинашниве Оскар“, напиша тој на „Твитер“.

„Искрено и се извинувам на ЛГБТК-заедницата за моите бесчувствителни зборови во минатото”, додаде тој.

Еден час пред тоа, тој објави видео на „Инстаграм“, во кое одби да се извини откако Академијата за филмска уметност и наука го побара тоа од него.

„Решив да го ‘прескокнам’ извинувањето. Причината е тоа што јас веќе одговорив на тоа неколку пати“, рече Харт, додавајќи дека напредувал од времето кога поставил хомофобични твитови помеѓу 2009 и 2011 година, кои тој ги избришал во меѓувреме.

„Ќе бидам свој, ќе се придржувам кон моите ставови“, додаде ѕвездата на филмските комедии „Тајната служба” и „Гет хард“.

Оскарите ќе се одржат на 24 февруари во холивудскиот Долби театар, а Кевин многу се радуваше заради тоа.

„Ме прашуваат многу години, дали некогаш ќе ги водам Оскарите и мојот одговор секогаш беше ист. Им реков дека тоа ќе биде единствена, животна шанса за мене како комичар и дека тоа ќе се случи кога ќе биде потребно”, рече Кевин, кој, сепак, нема да оствари една од неговите животни цели.

Related posts

Проектот Бурј Ал Бабаш во срцето на Турција вреден 200 милиони долари стана град на духови

Igor

Дневен хороскоп за 12 октомври

24info

На секси политичарката ѝ се закануваат со силување!

24info