February 17, 2019 11:14
Ракомет

Кајри Ирвинг се покажа како најдобар во клучните моменти за Бостон

Синоќешниот дерби натпревар во НБА лигата се одигра во Бостон, каде тимовите на Селтикс и Репторс се сретнаа во пресметка за зачувување на гордоста, но и за обезбедување на што подобро место во плејоф поредокот во Источната конференција.

 

Пред публиката во Бостон, составот на Селтикс стигна до победа против големиот ривал Торонто Репторс со конечен резултат од 117:108.

Кога беше најважно, Кајри Ирвинг истапи како лидер на составот на Бостон Селтикс и му донесе победа на тимот. Тој ја заврши вечерта со 27 поени и рекордни за него 18 асистенции, притоа шутирајќи ефикасни 11/19 од поле. Ал Хорфорд додаде 24 поени, додека Гордон Хејворд од клупата постигна 18 поени.

На спротивната страна стартната петорка одигра одличен меч и изненадувачки е како не успеа да обезбеди позитивен резултат. Екипата на Торонто ја предводеше Кавај Ленард со 33 поени, но одличен беше и Серж Ибака, кој забележа дабл-дабл учинок со 22 поени и 10 скока.

Останати резултати:

Детроит Пистонс – Орландо Меџик 120:115

Хјустон Рокетс – Бруклин Нетс 142:145 (Џејмс Харден 58 поени, 10 скока)

Мемфис Гризлис – Милвоки Бакс 101:111

Далас Маверикс – Сан Антонио Спарс 101:105

Портланд Трејл Блејзерс – Кливленд Кавалирс 129:112

Голден Стејт Вориорс – Њу Орлеанс Пеликанс 147:140

Лос Анџелес Клиперс – Јута Џез 109:129

Related posts

Циндриќ повторно се повреди, “виси“ за мечот во Скопје

24info

Борко: Шпанија не спушти на земја, игравме колку што ни дозволија

24news

СП 2019: Македонија – Шпанија нерешен резултат од прво поливреме

24news