September 23, 2019 22:32
Македонија

Касами: Не може за правда да одлучуваат политички фактори кои бегаат од неа

Aпсолутно е неприфатливо две страни вклучени директно или индиректно во судски постапки или во истраги на СЈО да преговараат за иднината на ваквите важни институции во државата, рече на прес-конференција претседателот на Движење БЕСА, Биљал Касами, алудирајќи на неуспешната вчерашна средба меѓу лидерите на СДСМ и ВМРО-ДПМНЕ.

„Ниту СДСМ ниту ВМРО-ДПМНЕ, како политички претставници на ДУИ, не можат да одлучат да имаат независен и професионален судски систем, бидејќи обете страни заедно со нивниот заеднички именител ДУИ се актери кои сакаат да избегаат од правдата“, порача Касами.

Како што рече тој, не е прифатливо за правдата и за владеењето на правото да преговараат токму оние кои ја избегнуват правдата и повика на формирање на т.н. Државна комисија.

„Неопходно да се прифати предлогот на Движењето Беса за Државна комисија составена од експерти каде што ќе учестуваат и САД и ЕУ со одлучувачко право. Задачата на оваа комисија треба да биде професионализирање на јавното обвинителство, судовите и нивното функционирање за да се гарантира воспоставување правда и владеење на правото“, истакна лидерот на Движење Беса.

Посочи и дека ваквата Државна комисија ќе мора да го спроведе процесот на ветинг кој, како што кажа, е процес без кој Северна Македонија никогаш нема да може да излезе од транзиција.

Нови вести

Платите да не се покачуваат, парите да не се враќаат!

Igor

Усеини повикува на протест поради рушење на дивоградбите во Охрид

Igor

Манчевски: Отворени се 50 илјади работни места, платите растат

Igor