November 27, 2020 00:57
Свет

Италија со нов црн рекорд: Над 21.000 новозаразени, 128 лица починаа

Италијанските здравствени власти во неделата потврдија нови 21.273 лица кои биле тестирани позитивни на Ковид-19 во последните 24 часа, што е најголем број регистрирани дневни инфекции од почетокот на пандемијата. Во земјата, моментално, вкупниот број на случаи кои се заразиле со корона изнесува 525.782 лица.

Бројот на смртни случаи предизвикани од вирусот се зголеми за 128 од вчерашната бројка и достигна 37.338 лица. Во меѓувреме, од почетокот на епидемијата, вкупно 264.117 италијански граѓани закрепнале од болеста.

Претходно денес, италијанскиот премиер Џузепе Конте потпиша декрет за воведување на построги мерки за ограничување кои ќе останат на сила барем до 24 ноември, откако имаше нов скок на случаи на коронавируси низ целата земја.