August 22, 2019 09:31
Живот

Италијанско село плаќа 9 илјади евра за оние кои ќе се преселат во него

Во истиот месец кога во една сицилијанска општина се продаваат куќи за 1 евро, друга италијанска селска општина нуди 9.000 евра за оние кои ќе се преселат во неа.

Пред да ги спакувате торбите и да го започнете патот кон Локана, постојат неколку услови кои треба да ги знаете.

Имено, секој кој сака да живее во оваа селска идила мора да има дете и годишна плата од најмалку 6.000 евра.

Градоначалникот на алпското село Локана, Џовани Матие, ја спроведува кампањата поради брзиот пад на населението од 7.000 жители во раните деведесетти години до едвај 1.500 денеска.

Понудата за преселба во напуштените куќи првично важеше само за италијански државјани, а денес ваквата можност се прошири и на други. Градоначалникот се надева дека ќе привлече млади луѓе кои можат да работат од дома или се подготвени да започнат нова работа во селото.

Инаку, селото има потенцијал за обновување благодарение на чистата енергија од хидроелектраната која се продава на државата. Со оглед на тоа што се наоѓа во срцето на националниот парк Гран Парадизо, особено се истакнува дека областа изобилува со природни убавини и е идеална за сите љубители на надворешни активности.

Нови вести

На 61 година изгледа како девојка – времето како да запрело за неа

24news

Лима гола во кревет со ружи кои ѝ ги испратил милијардер, а сите се прашуваат дали има гаќички

24news

Куче починало 15 минути по неговиот сопственик кој боледувал од рак

Filip