December 16, 2019 09:05
Македонија

Инцидентот во ОХИС не го загадил воздухот, во фабриката се чуваат опасни хемикалии

„Мал Чернобил“ вака вработените ја нарекуваат поранешната фабрика Охис. Во организирана обиколка,  јавноста конечно доби можност да види дел од токсичниот отпад кој со децении е сместен овде. Цистерни, силуси, рѓосани машини, цефки сведочат за некогашната голема хемиска фабрика но надлежните не откриваат што се се крие во нив.

-Миризбата на метил акрилат мономер се уште се  чувствува во кругот на поранешната фабрика ОХИС. Ова е силусот кој се чистел од оваа супстанца, во него има  уште неколку тони вода.

Резултатите го покажуваат спротивното, метил акрилат не испарил во воздухот, супстанцата била присутна само во цефките од резервоарот. Министерот за животна средина Насер Нуредини тврди дека нема опасност за граѓаните иако тие алармираа за неподносливата миризба и се пожалија на здравствени проблеми. Нуредини сепак ќе бара одговорност од директорот на фирмата Еко центар 97.

Директорот не се плаши од одговорност и тврди дека работи согласно елаборатот. Компанијата ЕКо Центар 97 чисти хемиски отпад во радиус од 1 ипол километар,  а работата ја добиле на тендер  паралелно на продажбата на имотот на ОХИС.

Најопасна во ОХИС е оваа  темпирана бомба- цистерна со околу 14 тони винил хлорид. Не се знае во каква состојба е материјата  бидејќи ниту една странска фирма досега не се нафатила се уште да направи увид. Еко центар 97 ја  обезбедува со 24 часовен надзор и постојано се разладува. Високо експлозивна материја е присутна три децении а при мал инцидент може да предизвика штети во невидени размери.

-Винил хлорид во Европа не се користи веќе 30 години, државите го исчистиле уште пред 3 децении. Тешко е да се најде фирма која сега ќе се справи со оваа цистерна. Само 2 печки во Европа има што можат да го согорат.  Еко центар97 сме се уште во преговори, смета Владо Момировски, директор на Еко Центар 97.

Освен складираниот отпад подготвен за извоз, останатите хемикалии се уште испаруваат и се чувствуваат во воздухот. Линданот е исто така меѓу опасните видови отпад за кој се  уште не заврши тендерската постапка за чистење. Голем и мал базен, потрупан со земја, преку која се шири токсична миризба.  Но во ОХИС работат и фирми со Б интегрирана дозвола а меѓу нив има и прехрамбрена индустрија. Скопскиот градоначалник не знае под какви услови се одвива работата на овие субјекти.

целиот линк прегледајте го тука: https://sitel.com.mk/incidentot-vo-ohis-ne-go-zagadil-vozduhot-vo-fabrikata-se-chuvaat-opasni-hemikalii

Нови вести

ВМРО-ДПМНЕ: Не постои човек или бизнис сектор кој не е излажан од СДСМ

Igor

Владата денеска во Куманово ќе ја одржи редовната 171 седница 

Igor

На Шапка 15 сантиметри снег

Valentina