December 10, 2019 21:35
Свет

Илон Маск: Потребни ми се 1000 вселенски бродови за да изградам град на Марс

Директорот на компанијата за вселенска технологија „Спејс Екс” Илон Маск најави дека ќе му бидат потребни 20 години и 1.000 вселенски бродови за да изгради град на Марс, што е негова долгорочна визија.

Одговарајќи на обожавателите на Твитер, Маск изјави дека „Спејс екс” ќе мора да конструира околу 1.000 вселенски летала за транспорт на товар, инфраструктура и членови на екипажот на Марс во текот на 20 години, со оглед на тоа дека планетарното порамнување овозможува лет на Марс само еднаш во две години.

Маск неодамна изјави дека неговите трошоци за лансирање изнесуваат само околу два милиони долари по лет на вселенски брод, и дека крајната цел е да изгради „град кој ќе биде самоодржлив на Марс”.

Но, за да се воспостави постојан, одржлив град на Марс, прво мора да пристигне екипаж. Претходно е потребно уште нешто – а тоа е слетување на астронаут на Месечината. Тоа НАСА го постави како своја цел до 2024, а Спејс екс се надеваме дека таму ќе се спушти брод уште во 2022 година.

Нови вести

Нападната претседателската резиденција во Могадишу, убиени три лица

Filip

САД со нови мерки против корупцијата и прекршителите на човекови права

Filip

Писателот Хандке ја прими Нобеловата награда, додека пред зградата во Стокхолм се одржуваа протести

Filip