January 21, 2019 23:42
Фудбал

Златна канта за Никола Калиниќ

Минатата година може да се каже дека беше година за заборав за хрватскиот напаѓач Никола Калиниќ.

Минатото лето, Калиниќ го напушти Милан каде што пристигна во 2017-та година од Фиорентина како големо засилување. „Росоњерите“ за неговите услуги платија околу 22 милиони евра, но тој ги разочара сите во таборот на Милан со своите слаби настапи.

Сепак, можеби звучи неверојатно, но Милан успеа да го продаде Калиниќ за 18 милиони евра во Атлетико Мадрид, а иако не играше во вториот дел од 2018-та година, тој сеедно ја доби „наградата“ Златна канта – најлошо засилување.

Оваа награда традиционално се доделува во Италија каде што илјадници фанови го избираат најлошото засилување секоја сезона. Калиниќ заврши на првото место со речиси 50% од гласовите, а зад него останаа Патрик Шик од Рома и Андре Силва од Милан.

Related posts

Торес и Атлетико – совршен крај

24info

Морати ги „подгрева“ шпекулациите: Би го вратил Мурињо

24info

Меси го демантираше Пике: Нема да лажам, не сакав да го направам тоа

24info