February 16, 2019 17:19
Македонија

„Зборна за Жутиве?“ – СМС-порака меѓу Јанакиески и Кирил Божиновски

На продолжението од судското рочиште за предметот на СЈО, под кодно име „Траекторија“, обвинителката Лиле Стефанова презентира 156 пораки меѓу Миле Јанакиески и Елена Кузманоска од 2012 и 2013 година за договорот со Кинезите за изградбата на автопатиштата во Македонија.

Во СМС-порака меѓу нив двајцата, од 6 декември 2013 година Јанакиески на Кузманоска и’ пишува: „Многу е сериозен проектот да работиме како муви без глави. Досега така го работевме“.

Во следна СМС-порака од истиот ден, пишува: „Нема да ги пишува таа црната, туку Данче и уште еден што беа убедени дека договорот е спротивен на Законот за јавни набавки“.

Во 29 СМС-пораки меѓу Миле Јанакиески и Кирил Божиновски има комуникација за договорот со Кинезите за автопатиштата.

Во порака од 3 март 2013 година пишува: „ПС. Зборна за Жутиве?“. Во друга порака пишува: „На Кинезиве очиве почнаа да им се отвораат од чекање“.

На 26 октомври продолжува изведувањето на СМС-пораките.

Во предметот „Траекторија“, Груевски, Јанакиески, Пешевски и поранешниот директор за државни патишта, Љупчо Георгиевски, се обвинети дека во текот 2012 и 2013 година презеле дејствија со кои во постапката за избор на компанија за изградба на автопатите Миладиновци – Штип и Кичево – Охрид ги искористиле и пречекориле своите овластувања, со што според СЈО, на државниот буџет му нанеле штета од најмалку 155 милиони евра и за истиот износ на компанијата изведувач и овозможиле да се стекне со имотна корист.

Related posts

Ќе има реконструкција на Владата, ќе се зголеми парламентарното мнозинство

24news

(ВИДЕО) Специјално видео за македонските навивачи, да се наежиш!

24news

Македонија покажува солидарност со ЕУ протера еден руски дипломат

24news