January 16, 2019 01:05
Македонија

Заев: Панчо Минов ќе гласа за уставните измени

Премиерот Зоран Заев очекува пратеникот Панчо Минов од ГРОМ да гласа за уставните измени, но и оти се уште не може да каже дека се обезбедени потребните 80 пратеничките гласови.

– Пратеникот Панчо Минов ќе гласа, работеше на амандманите. Вграден е на три-четири пати во амандманите со неговата креативност во предлозите и тоа ќе биде составен дел во новиот Устав доколку се изгласа, изјави Заев по врачувањето на првото решение за овластен економски оператор во Владата.

Одговорајќи на новинарско прашање за позицијата на пратеничката Елизабета Канческа Милевска, Заев  рече дека таа е длабоко навлезена во процесот, запознаена е со сите детали. Одлуката, вели, ќе ја носи лично таа, нејзината пратеничка група и секој пратеник поединечно.

– Не можам да кажам дали ќе гласаат 80 пратеници, или пак ќе бидат 79 или 82 или 88, никој тоа сега не може да го каже. Верувам дека процесот на разговори кој течеше дава можност да веруваме дека ќе се обезбеди потребниот број од 80 пратеници, тоа е конечната цел и за тоа разговараме, дополни Заев.

Related posts

Владата ќе одлучува по барањето за македонско државјанство од Есер Џевахир, првиот човек на „Џевахир скај сити“

24news

Царинската управа откри повеќе обиди за криумчарење разна стока

Ivona

Сончево со мала облачност, попладне дожд

24info