June 23, 2021 08:42
Македонија

Заев: Не би требало да има измени во извршната власт

Извршната власт е бирана од Парламентот и нејзините претставници заслужија да добијат шанса. Тие се околу 8,5 месеци министри, раководители и слично имајќи во предвид дека Владата е бирана лани на 1 септември не би требало да има измени.

Ова го порача премиерот и лидер на СДСМ Зоран Заев во одговор на  новинарско прашање, дали по конгресот на СДСМ треба да очекуваме промени во извршната власт.

-Задоволен сум од вчерашниот конгрес, коментирав јавно дека не се лесни овие кадровски решенија. Давањето шанса на секој да се вгради и заблагодарувањето на некој што и досега се вградил се сериозни процеси коишто оставаат трага за мотивација на следни генерации да се борат да добијат шанса и да дадат свој прилог во унапредување на севкупниот квалитет на живот на Р.С. Македонија. СДСМ е сериозен чинител, најголем политички субјект кој во моментов ја има честа и одговорноста да управува со извршната власт, заедно со коалициските  партнери. Верувам дека тоа ќе биде поттик на секој да се вгради политички и да помогне во процесите, потенцира Заев.

Додаде дека голем дел од највисокото раководство се носители и на високи функции, почнувајќи од заменик претседателката, генералниот секретар, потпретседателите на партијата, кои носат сериозни функции и еден дел од Извршниот  одбор, а останатите, посочи, можат дополнително да бидат посветени  на соодветни политики во координација со граѓаните, за да се изградат уште поуспешни политики во претстојниот период.

За обвинувањето од опозицијата дека потпретседателите се партиски послушници, Заев рече дека е нормално кога се членови на СДСМ.

-Опозицијата навистина е посебна кај нас, тие се потпретседатели на СДСМ. Нормално е дека се партиски, на СДСМ се потпретседатели, не се на некој друга партија. Ако мисли Христијан Мицкоски и тие да го слушаат  ВМРО-ДПМНЕ се лаже. Секако тие се во дослух со граѓаните, а потоа и со членството на СДСМ, коешто ги избрало и им предало чест, право и обврска во име на целото членство на СДСМ да градат соодветни политики за да бидат горди овие социјалдемократи со успесите што Владата ги носи, а согласно тоа да бидат горди сите наши граѓани, појасни Заев.

Тој заклучи дека имаат компилација на потпретседатели и на раководство за коешто, како што рече, јавноста исклучително позитивно коментираше од сознавањето на имињата до денеска.

-Тоа е многу значајно за да биде ветер во грб, но секако и чувство на одговорност и обврска сите да работиме и заедно да испорачаме резултати. Со овие потпретседатели и генерален секретар и заменик претседател ќе го победиме ВМРО-ДПМНЕ и на следните избори и уште на неколку изборни циклуси. Најповеќе заради нас, но и заради нив. Нека се менуваат, нека се подмладуваат, нека се возобновуваат за да може да имаме фер компентентен натпревар, па можеби некогаш и тие ќе победат  на некои следни избори, им порача Заев.

AnimeHeaven watch anime online: Watch Gintama Episode 42

GoGoAnime kissanime gogoanime: Watch Don't Toy with Me, Miss Nagatoro Episode 4 (https://gogoanime.be/m/VXWA/ep-4)