January 25, 2020 13:05
Македонија

Заев нема добиено писмо од Мерко

Писмото со кое струшкиот градоначалник се откажува од ингеренциите за урбанистичко планирање, уривање дивоградби и доделување и одземање концесии не е пристигнато до премиерот Зоран Заев, вели тој за а1он.

Премиерот вели дека за писмото слушнал само од медиумите.

„Сѐ уште немам добиено такво писмо. Прочитав во медиумите“, рече Заев за а1он.

Градоначалникот Мерко не одговара на телефонските повици за да објасни дали навистина ги отстапува ингеренциите и дали испратил вакво писмо до премиерот Зоран Заев.

Повеќе портали денеска објавија дека граоначалникот Мерко го известил Заев дека се откажува од дел од ингеренциите.

Според пишувањата, во писмото се објаснувало дека Мерко ја донел оваа одлука поради тоа што добивал закани од поединци кои барале дозволи за градба на различни локации но не можеле да бидат дадени поради постоечкиот ДУП. Исто така писмото се поврзува и со вербалните закани кон вработено лице во локалната самоуправа, а за кои денеска информираше и МВР.

Нови вести

Бектеши на саем во Сарај: Со поддршка на бизнисот до нови работни места и поголеми плати

Valentina

Претседателот Заев на средба со претседателот на Европскиот совет Мишел: Силно сме мотивирани да продолжи европскиот курс на државата

Valentina

Министерство за здравство: Зголемена достапноста на лекови за пациентите со мултипла склероза

Valentina