April 21, 2021 00:20
Македонија

Заев: Моите чувства се повредени, очекував извинување од Божиновски

Кога ќе се поминат границите неколкупати да сте клеветени, да сте навредувани, пред се на лични чувства, а после тоа дури и на политичката  функција која што ја извршувате еден ден треба да кажете стоп и да поднесете тужби, само така можеме во државата да одмериме до каде е дозволиво газењето на чувствата на граѓаните, вклучително и на мене како претседател на Владата, изјави денеска премиерот Зоран Заев пред Граѓанскиот суд по рочиште со новинарот Зоран Божиновски.

Заев додава дека како носител на извршната власт, нормално е да биде на удар на критичката власт, но дека сепак граница треба да се има за се.

-Кога ќе поминат нормалните граници кога ќе бидат повредени чувствата, кога сте исклеветени, кога сте навредени, кога вашите деца се исправени да ве прашат зошто некој ве кажува дека сте дел од рекет акција, дека сте од криминална група, дека правите штета во милионски суми на државата, или слично, ги поминува границите. Верувам дека со личните чекори коишто ги преземаме или не превземаме, а во функција дека многу често не сум превземал дејствија да поднесам тужба освен кога ќе се поминат сите граници и ќе се помине тој мегник којшто го кажувам, тогаш ја испраќам пораката дека еднаш нешто мора да застане и да престане затоа што е премногу, заклучи Заев.

Тој нагласи дека неговите очекувања биле денеска да добие извинување, меѓутоа не го добил, па поради тоа ќе оставел судот да одлучи понатаму.

Заев го тужи Божиновски за клевета, по објавен фејсбук статус во кој новинарот открива наводен рекет од 60 милиона евра кој го зеле премиерот и тогашниот вицепремиер Кочо Анѓушев.

Рочиштето за случајот против Зоран Божиновски ќе продолжи во нова, поголема судница, откако новинарот одби да присуствува на судење, во кое јавноста и медиумите ќе останат надвор и нема да го чујат сведочењето на премиерот и, во случајов тужител, Зоран Заев.

Претходно, вратите на судницата останаа затворени за јавноста, откако поради здравствените протоколи судијката не дозволи новинарите да присуствуваат на рочиштето. На ова се побудни обвинетиот Божиновски, кој ја напушти судницата, барајќи јавноста и медиумите да бидат дел од денешното рочиште. Тој за ова судење има подготвено долг аудиоматеријал од Заев снимен во 2016 година.

 

Јас без јавност не влегувам!, порача тој и остана во ходникот заедно со новинарите, додека обезбедувањето на премиерот ја чува вратата од судницата.

WCOStream we bare bears wcostream: Watch Your Lie in April Episode 11 (https://wcostream.cc/m/Vqr/ep-11)

KissAnime kissanime fairy tail: Attack on Titan (Dub) (https://kissanimeonline.com/m/6KNg) Episode 25