April 19, 2019 22:52
Балкан

Завршија разговорите Белград-Приштина, наредните неизвесни

Во Брисел вечерва завршија разговорите во рамки на дијалогот Белград и Приштина во кои посредува Европската унија.

Високата претставничка на ЕУ за надворешна политика и безбедност, Федерика Могерини имаше разговори со претседателот на Србија, Александар Вучиќ и одделно со косовскиот претседател Хашим Тачи. Потоа следуваше заеднички состанок, јави Танјуг.

Тоа беше прв состанок меѓу Вучиќ и Тачи по 2,5 месеци откако прекина дијалогот Белград- Приштина. Средбата се одржува во  момент кога косовски власти воведоа 10 отсто зголемување на данокот за стоки од Србија.

Во соопштение од ЕУ е наведено дека се очекува Вучиќ и Тачи на состанокот ќе потврдат своја подготвеност да интензивираат напори за постигнување правно обврзувачки договор за нормализација на односите.

Српскиот претседател Вучиќ, пак, вечерва изјави дека дијалогот со Приштина ќе продолжи откако косовските власти ќе ги повлечат противправните одлуки.

 

Нови вести

Србија: Основана Партијата на слобода и правда

Filip

Црногорскиот претседател против корекција на границите на Балканот

Filip

Хоџај: Односот на ЕУ кон регионот ќе се види кога ќе треба да ги започне преговорите со Скопје и Тирана

Filip