March 22, 2019 01:52
Економија

Етихад ервејс“ забележа загуба од 1,2 милијарда долари во 2018 година

Авиопревозникот „Етихад ервејс“ со седиште во Абу Даби соопшти дека во 2018 година направил загуба од 1,28 милијарда долари, што е трета година по ред компанијата да забележи загуби од над милијарда долари на годишно ниво.

Приходите на „Етихад“ изнесувале 5,86 милијарди долари, што е послаб резултат отколку во 2017 година кога „Етихад“ пријавил приход од 6 милијарди долари.

Во 2017 година „Етихад“ регистрирал загуби од 1,52 милијарда долари, а во 2016 – 1,95 милијарда долари.

Во изминатите три години „Етихад“ забележа вкупна загуба од 4,75 милијарди долари.

Најголем дел од загубите се резултат на порастот на цената на горивата и условите на пазарот, а „Асошиетед прес“ оценува дека големите загуби се резултат и на купувањето акции во авиопревозници од Европа и Австралија.

„Етихад“ е малцински сопственик и во националниот авиопревозник на Србија, „Ер Србија“.

Нови вести

Во февруари раст на кредитирањето, поголемо кај корпоративниот сектор

Valentina

Успешна приказна за користење европски пари во млекарницата „Сентис” АГ во Тетовско Џепчиште

Valentina

Просечна плата во јануари 24.517 денари

Valentina