Свет

Ердоган му рекол на Трамп дека Турција нема да се откаже од „С-400“

Турскиот претседател Реџеп Таип Ердоган изјави дека му кажал на американскиот претседател Доналд Трамп во Вашингтон минатата недела дека Турција нема да се откаже од рускиот противракетен систем „С-400“, кој го набави оваа година, и покрај протестите на својот сојузник во НАТО.

Ердоган им пренесе на членовите на својата Партија на правдата и развојот во парламентот дека му рекол на Трамп дека доколку САД го задржат бескомпромисниот став за Ф-35, Турција ќе мора да бара алтернатива за да ги задоволи своите среднорочни потреби за одбрана, пренесе „Ројтерс“.

Ердоган и Трамп разговараа во Белата куќа за да ги надминат растечките разлики меѓу нив. Вашингтон соопшти дека системот „С-400“ претставува закана за нејзините борбени авиони Ф-35 и ја суспендира Турција од својата програма за авијација, каде што Турција се појавуваше како купувач и производител.

САД исто така ја предупредија Турција дека ќе се соочи со санкции поради таквиот договор.