December 14, 2019 14:12
Свет

ЕП во вторник ќе гласа за предлогот Урсула фон дер Лајен да застане на чело на ЕК

Европскиот Парламент во вторник вечер ќе гласа за предлогот на Европскиот совет Урсула фон дер Лајен да ја предводи Европската комисија, соопшти денеска прес службата на ЕП.

Според западните агенции, се предвидува претходно во вторник Фон дер Лајен да им се обрати на европратениците во пленарната сала на ЕП. Таа пред нив треба да ги изложи контурите на нејзината програма за работа.

Раководството на ЕП денеска го утврди дневниот ред за седницата во вторник според кој предвидено е пред гласањето европратениците повторно да можат да го видат предлогот на шефовите на држави и влади од ЕУ за распределба на високите функции во Унијата. Доколку договорот се отфрли и Фон дер Лајен не ги добие потребните 376 гласа за избор на функцијата, Европскиот совет ќе треба во рок од еден месец да даде нов предлог.
Сослушувањето на Фон дер Лајен во главните парламентарни групи неделава покажа дека таа е пресретната од европратеници со нагласено различни интереси и ставови.

Нови вести

Две години затвор за поранешниот судански претседател Омар ал-Башир заради корупција

Valentina

Седум загинати и 32 повредени лица во две големи сообраќајни несреќи на автопат во Јужна Кореја

Valentina

Путин: Прославата на 75-годишнината од победата над фашизмот ќе биде најважен настан во 2020 година

Valentina