December 1, 2021 16:24
Свет

Еден сириски војник загина, тројца се ранети во израелски напад во Сирија

Еден сириски војник загина, а тројца се ранети во израелски воздушен напад синоќа во областа Палмир, објави сириското Министерство за одбрана.

„Нападот, чија цел беше комуникациската кула, се случи во 23:34 часот по локално време, а предизвикана е и одредена материјална штета”, се наведува во краткото соопштение на Министерството на Фејсбук.

Инцидентот се случи неколку дена откако сириската противвоздушна одбрана одговори на израелскиот напад врз воената база во централната провинција Хомс, во кој беа ранети шестмина војници, а беше причинета и материјална штета.

Израел изврши неколку напади во делови од Сирија во последните години, а Тел Авив потврди дека напаѓа бази на милиции поврзани со Иран, како што е либанскиот Хезболах, кој се бори на страната на силите на сирискиот претседател Башар Асад во граѓанската војна.