October 14, 2019 01:03
Балкан

Европската перспектива на Западен Балкан една од темите на средбата Мицотакис – Радев во Атина

Премиерот на Грција, Кирјакос Мицотакис и претседателот на Бугарија, Румен Радев на денешната средба во Атина, ја изразиле нивната поддршка за европската перспектива на Западен Балкан под предуслов да има строго придржување до условеноста, брифираат грчки владини извори, јави дописничката на МИА од Атина.

На средбата во премиерската палата во Атина станало збор за прашањата што се однесуваат на соседството и на предизвиците што постојат, а акцентот бил ставен на мигрантското прашање и процесот на проширување на ЕУ.

Во однос на мигрантското прашање изразиле поддршка за Договорот ЕУ- Турција и изразиле загриженост за случувањата на Блискиот Исток.

Бугарскиот претседател, според истите извори, споменал дека Грција и Бугарија се стратешки партнери и ја истакнал билатералната соработка во повеќе области како што е енергетиката и прашањата поврзани со безбедноста, а грчкиот премиер се осврнал на блиските врски на пријателство и соработка меѓу двата народа.

Претседателот на Бугарија, Румен Радев допатува во Грција на состанокот на претседателите на земјите од групата „Араиолос” што ќе се одржи утре во Атина.

Нови вести

Орбан ги загуби изборите во Будимпешта

Igor

Алергиски реакции кај службениците кои броеле гласови во Косово

Filip

Рама за „Ајриш Тајмс”: Не сум оптимист за почеток на преговорите

Filip