November 24, 2020 18:11
Свет

Европа вчера драстично го надмина минатиот „црн петок” по бројот на заразени

Европа вчера имаше ново најголемо зголемување од дури 134.695 заразени, според податоците на „Ворлдметерс”, по завчерашните 106.379, додека претходно највисок број на новозаразени беше минатиот петок, со  110.051 нови случаи.

Азија како втор континентален регион според бројот на новоинфицирани има 103.938 заразени, но поголем број мртви – 1522. И по завчерашните 1117 смртни случаи во Европа, вчера имаше 1307 нови смртни случаи, што е ново зголемување во вториот бран, иако сè уште е далеку од жртвите на пандемијата пролетоска, пишува „Вечерњи лист”.

Очигледно е дека повеќето земји тестираат повеќе во средината на неделата, а помалку за време на викендите, што потоа се рефлектира во „зголемувањето” или „намалувањето” на бројот на заразени. Затоа, трендовите мора да бидат земени предвид и тие велат дека до сабота бројот на заразени може да се зголеми во европските земји до нов рекорд на бројот на позитивни, но и болни и мртви. Бројот на заразени не кажува многу сам за себе, но сите земји бележат зголемување на бројот на пациенти со посериозни проблеми, а грубата статистика покажува дека 10 отсто од пациентите со Ковид-19 умираат.

Русија со 14.231 новозаразени во последните 24 часа веќе шести ден по ред има најголемо дневно зголемување на бројот на заразени, а овој тренд трае од почетокот на септември, како и трендот на зголемување на бројот на починати. Изминатите два дена со 244 и 239 смртни случаи се двата најцрни од почетокот на пандемијата, иако ова не е драматично за земја со таа големина и пропорционално на бројот на заразени. Сепак, Русија со 51,8 милиони тестови е на четврто место во светот, а со 354.910 тестови на милион жители, земјата е на 21. место, веднаш зад САД, а пред нив се 12 земји и територии со помалку од еден милион жители.

Франција е европската земја со најголем број новозаразени во изминатите 24 часа, 22.591, а на 10 октомври имаа повеќе од 26.896. Тие имаа шест дена во април со повеќе од илјада мртви, додека сега во еден ден во седмицата преминуваат преку сто мртви а вчера 104 смртни случаи. Велика Британија со 19.724 новоинфицирани има ново најголемо зголемување од почетокот на пандемијата и 137 смртни случаи. Шпанија, по трендот на опаѓање на инфекциите во последните неколку недели, вчера го имаше третиот најлош ден од почетокот на пандемијата со 11.970 нови случаи, и 209 мртви. Белгија со 7360 го има вториот најлош ден и 33 мртви, што е најголем број на смртни случаи од 23 мај. Холандија немаше повеќе од 1.335 заразени лица во април, а од 15 септември бележи повисок дневен пораст на заразени лица секој ден, а во последните два дена по 7.378 и 7.287 новозаразени, и 35 и 32 смртни случаи.

Како и Хрватска и Велика Британија, 11 други европски земји вчера имаа рекордно зголемување на бројот на заразени лица, а минатата недела дури 20 земји имаа најголемо дневно зголемување на бројот на заразени лица од почетокот на пандемијата.

Полска вчера имаше 6.526 новозаразени и 116 мртви. Италија ниту во најлошите денови немаше 7.332 случаи на инфекција за 24 часа (6554 беа на 21 март), а по 41 смртен случај завчера, со вчерашните 43 повторно имаа највисок број на починати од 20 јуни, додека на 27 март имаа 921 смрт од Ковид-19. Романија вчера имаше 4016 новозаразени, што е ново најголемо зголемување и 66 мртви, Швајцарија 2823, Португалија 2072, Австрија со рекордни 1346 заразени има тренд на пораст од средината на август, а 11 мртви е најмногу од пролет, Молдавија 1149 и 19 мртви, а Унгарија изминатите два дена имаше 55 мртви, најмногу од почетокот на пандемијата.

Словенија се соочува со релативно огромно зголемување од 707 случаи за нив, но со најмногу четири смртни случаи во рок од 24 часа. Вирусот галопира речиси насекаде. И во соседна Бугарија имаше 819 новозаразени, а Албанија 203 и пет смртни случаи.

Голем број други земји вчера имаа едно од најголемите дневни зголемувања на бројот на позитивни лица. Словачка го имаше вториот најлош ден со 1.410 заразени и пет мртви, како и Ирска со 1.084, со тоа што кај нив се ретки смртни случаи од Ковид-19. Германија со 5833 позитивни, имала само шест полоши денови и 27 мртви што е најмногу од 9 јуни. Чешка го имаше третиот најлош ден, како и Украина, која има по 107 мртви два дена по ред, а исто така и Грција. Во БиХ, бројот на заразени бил трипати поголем од вчерашните 482, а бројот на заразени повторно почна да расте во Србија – 245, што е најголем дневен пораст од 13 август.