February 3, 2023 11:51
Хроника

Дојави за бомби во пет кавадаречки училишта

Утрово пристигнале нови закани за бомби во училишта, но за разлика од претходно, за првпат се во Кавадарци. Вкупно пет училишта добиле заканувачки мејлови.

-Денеска околу седум часот во Полициска станица Кавадарци било пријавено дека на електронска адреса на пет училишта, две средни и три основни во Кавадарци е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случајот, информира за МИА портпаролот на СВР Велес, Ристе Самарџиев.

-Денес по пријава за поставена бомба во неколку основни и средни училишта, евакуирани се учениците и тоа од: О.О.У ,,Тоде Хаџи Тефов’’ Кавадарци, и подрачно училиште во село Бегниште, ,,Димката Ангелов Габерот’’ Кавадарци и подрачното училиште во село Сопот, ,,Страшо Пинџур’’ Кавадарци, и подрачните училишта во селата Марена, Возарци и Дреново, С.О.У Гимназија ,,Добри Даскалов’’ Кавадарци и С.О.У ,,Ќиро Спанџов Брко’’. Освен училиштата, во село Марена евакуирана е и градинката, заради непосредната близина на подрачното училиште. Во тек се антитерористички проверки и се преземаат мерки за расчистување на случајот. Се замолуваат родителите дека нема потреба од паника, а учениците ќе бидат вратени на настава, откако екипите ќе ги прегледаат објектите и кога ќе се утврди дека истите се безбедни, објави градоначалникот на Кавадарци, Митко Јанчев.

Во претходниот период дојави за бомби имаше во училишни установи во Скопје и Крива Паланка. После спроведените проверки на МВР, сите закани беа утврдени како лажни.

Поврзани вести

,,Бомбашите” дојавуваат бомби само во ,,независни” општини

blink

Првпат дојава за поставен експлозив во основното училиште „Петар Поп Арсов“

admin

Џафери не му даде на Милошоски да испука нова „бомба“ за Заев и Рекет

Igor