September 23, 2019 18:22
Свет

Доријан повторно стана ураган од трета категорија и се движи кон Северна Каролина

Ураганот Доријан повторно доби на сила до невреме од трета категорија и се движи кон источниот брег на САД, кон Северна Каролина.

Надлежните органи во САД наредија евакуација на околу милион луѓе кои живеат на потегот од Флорида до Северна Каролина.

Гувернерот на Јужна Каролина Хенри Мекмастер нареди задолжителна евакуација на 830.000 жители, информира „Гардијан”.

Се очекува Доријан да ја погоди Северна Каролина денеска и утре.

Откажани се сите летови од Меѓународниот аеродром „Џексонвил” на Флорида, а се очекува летовите да продолжат денеска попладне, доколку тоа го дозволат временските прилики.

Ураганот претходно, како бура од најсилна, петта категорија, ги опустоши Бахамите каде загинаа најмалку 20 лица.

Ураганот потоа ослабна на втора категорија, но повторно доби на сила.

Нови вести

Во Малта е постигнат привремен договор за распределување на мигрантите

Igor

Индија тврди дека Пакистан ги активирал камповите за екстремисти

Igor

Њујорк во знакот на заштитата на климата, самитот на ОН и демонстрациите

zane