December 5, 2022 21:55
Скопје

Додека Арсовска и градоначалниците на ВМРО-ДПМНЕ се препукуваат, граѓаните на Скопје страдаат

Градоначалничката на Скопје Данела Арсовска вчера беше на увид на проект во општина Бутел.

На настанот не беше присутен градоначалникот на Бутел, Дарко Костовски од редовите на ВМРО-ДПМНЕ, со што продолжи праксата градоначалниците од оваа партија да ги бојкотираат настаните на Арсовска.

Претходно Арсовска сама вршеше увид во проекти во општина Гази Баба и Ѓорче Петров, без да биде придружувана од градоначалниците на овие општини.

И додека Арсовска и градоначалниците од ВМРО-ДПМНЕ меѓусебно се препукуваат, граѓаните на социјалните мрежи се почесто го објавуваат своето незадоволство од работата на локалната и градската власт, а како најчести проблеми ги издвојуваат нечистотијата, сообраќајниот хаос но и нефункционалноста на локалните институции.

Град Скопје е специфична единица на локалната самоуправа со испреплетени ингеренции со скопските општини, па немањето комуникација помеѓу градоначалниците на општините и градоначалничката на Градот сигурно дека го нарушуваат нормалното функционирање и сето тоа на крајот оди на штета на граѓаните.