Македонија

Димовски предлага три историски документи да се вметнат во преамбулата

Три историски документи да се вметнат во преамбулата на Уставот, предложи пратеникот од ВМРО-ДПМНЕ, Илија Димовски. Тој побара да се додадат Правилата на македонскиот востанички комитет на Македонското кресненско востание од 1878, Уставот на ТМОРО од 1896 и Уставот од 1991 година. Испирација за овој предлог, како што рече, било вметнувањето на Охридкиот рамковен договор во нацрт-амандманите.

„Имам дилема дали да стои Охридскиот рамковен договор, но образложенеито на премиеот го прифаќам дека тој е во Уставот само името дека го нема. Има уште три правни документи кои трeбa да се во преамбулата. Првиот е правилата на македонскиот востанички комитет од Македонското кресненско востание од 1878 година. Во него се утврдува концептот на идната македонска држава. Во него разработени се меѓунационалните односи, односите со соседните народи и разработени се и социјални прашања“, рече Димовски.

По него премиерот Зaев рече дека ќе се консултира со правни екпсерти за предлозите бидејќи, според него, немало ништо лошо во нив, особено ако тоа би придонело во иднина да се зголеми бројот на пратеници кои ќе размислат за поддршка на амандманите.

Related posts

Премиерот Зоран Заев вечерва се огласи преку Фејсбук

24news

Ципрас: Со интерес ги следиме случувањата во соседната земја

24news

Димовски: Амнестијата за 27 април не е услов за избор на ДИК

24info