January 27, 2020 11:37
Македонија

ДИК го добила барањето од Чулев во врска со одлуката за назначување шеф на СВР – Скопје

Техничкиот министер за внатрешни работи Наќе Чулев денеска го доставил барањето за мислење до Државната изборна комисија (ДИК), во врска со одлуката за назначување на Ристо Ставревски за шеф на СВР – Скопје, која не беше потпишана од дополнителната заменик министерка во МВР Славјанка Петровска, потврдија за МИА од ДИК.

Седницата ќе се одржи утре, а ДИК дополнително ќе соопшти за терминот.

Според Чулев, проблематизирањето на изборот на Ставревски за началник на СВР-Скопје е од политички причини и го изразува стравот на критичарите од професионално вршење на активностите.

Дополнителната заменик министерка Славјанка Петровска во изјава за МИА вели дека таа не ја потпишала одлуката за назначување на Ристо Ставревски за шеф на СВР – Скопје и оти се одлучила на овој чекор бидејќи за Ставревски имало аудио снимки од кои можело да се чуе дека тој врши притисоци врз гласачи.

Согласно Законот за влада, за одлуките на сите министри и нивните дополнителни заменици во техничката влада потребни се два потписа, односно тие имаат врзани потписи.

Во случај на несогласување меѓу министерот и дополнителниот заменик министер во министерствата во врска со тоа дали одредено правно, финансиско и кадровско прашање се однесува на организација на изборите, ДИК е должна, во рок од 24 часа да донесе одлука и истата да ја проследи до односното Министерство. Одлуката на ДИК е конечна.

Една седмица по изборот на новата техничка влада почнаа кадровските промени, согласно Пржинскиот договор. Во МВР во петокот беа назначени 12 раководители и 12 дополнителни заменици раководители на сектори и оддели, согласно член 44 од Законот за Влада на Република Северна Македонија. Сепак, министерот Чулев и дополнителната заменик министерка Петровска не се договорија за позицијата раководител на СВР Скопје.

Нови вести

Обраќање на потпретседателот на СДСМ, Коста Петров за Меѓународниот ден на сеќавање на Холокаустот На Меѓународниот ден на сеќавање на Холокаусот се сеќаваме на сите мажи, жени и деца кои беа злоупотребени, измачувани или убиени за време на Холокаусот. Се сеќаваме на 7148-те Евреи од Северна Македонија кои на 11 март 1943 година бea депортирани во концентрациониот логор во Треблинка. Се сеќаваме на шесте милиони Евреи, Словени, Роми, хомосексуалци, луѓе со инвалидитети, верски лидери и многу други луѓе кои храбро се спротивставиja на Нацистичкиот режим. На овој ден, исто така, се сеќаваме на храброста на сите оние кои ги штитеа нивните еврејски заедници, илјадниците кои ги ризикуваа нивните животи за другите да имаат вистинска шанса за живот. Се сеќаваме на лицата кои ги преживеаја камповите на смртта и на нивната храброст и волја за живот. Да не дозволиме да се заборави каде може да нè одведат предрасудите и омразата и да го зачуваме ова сеќавање како лекција за генерациите кои доаѓаат.

Valentina

Полицискиот синдикат апелира да се пошитува истражувачкото новинарство

Valentina

Стефанова:Осомничените во „Империја” скоро секогаш дознавале што презема СЈО против нив

Valentina